منتدى عام
 
الرئيسيةالتسجيلدخول

شاطر | 
 

 خطوات تعلم كتابة الشعر

اذهب الى الأسفل 
كاتب الموضوعرسالة
ديالاااا الحب
عضو ذهبي
عضو ذهبي
avatar

عدد المساهمات : 103
تاريخ التسجيل : 08/09/2009
العمر : 29

مُساهمةموضوع: خطوات تعلم كتابة الشعر   الثلاثاء سبتمبر 08, 2009 12:08 pm

[size=18]السلام عليكم ورحمة الله وبركاته
مساكم /صباحكم ورد


انا ابي فعليا لما امسك قلم واكون ناوي اكتب شعر لحظااااااات
هل راح اقدر اكتب شعر ؟!؟!؟!؟!؟

نعم تقدر


وهذا هو موضوعنا


وهو خطوات عمليه لكتابة الشعر

( وانا بطبيعة الحال افترض انك خلاص استوعبت اللي بالموضوع)

خلنا اول شي نتفق علي هالامر واللي اهو ان القصيده قسمين


1-الفكره (50% )

2- الصياغه والوزن والقافيه و .......الخ ( 50% )


مسألة الفكره ما اقدر اسوي فيها شي
هذي ترجع لك انت
وترجع لحياتك وترجع للموضوع اللي تبيه



ولكن الامور الثانيه ممكن نتعامل معها



الكتابه العمليه للشعر

وهالموضوع راح نقسمه لمرحلتين


1- الاستعداد والتدريب

2- مباشرة الكتابه



المرحله الاولي:

1- الاستعداد والتدريب

لما تبي تلقي محاضره او درس عن موضوع مثلا
لازم تقرا تاريخ الموضوع كله
وتجهز امورك ..... صح ؟!!!؟؟!


قبل لانكتب..


ياليت اتحاول قد ماتقدر تسوي هالامور :

1 - اقرا شعر فصيح
( اول شي لااحمد شوقي والشعراء اللي عاصروه وبعدين اقرا المعلقات حتا لو مافهمتها )


2 - اقرا واسمع لهالشعراء
(فزااااع - حامد زيد- خالد الفيصل - محمدبن راشد المكتوم - سعود بن بندر - عبدالله الفيصل - مرشد البذال - طلال السعيد )
بس هذولا وانا مختارهم بالذات متعمد مو معناتها مافيه غيرهم لا فيه

3- درب نفسك علي كتابة الشعر !!

شلون ؟!

انا اعطيك هالطريقه وحاول تسويها:

اختار اي بيت شعر وحاول تكتب علي نفس منواله

وعلشان تسهل الامر علي نفسك
اكتب الكلمات اللي تخدم قافيتك براس الصفحه عشان تكون حاضره قدامك
مثال :
والبيت لسعود بن بندر الله يرحمه
ياليتني بينـك وبيـن المضـره
من غزة الشوكه الي سكرة الموت



براس الصفحه اكتب الكلمات اللي تساعدك

مضره : مسره - مبره - مره - مجره .......الخ

موت : فوت - صوت - حوت - قوت - مكبوت - .........الخ


واقعد ركب


ناديتلـك ياغايتـي الـف مــره
وان فات فينا الفوت ماينفع الصوت

ماشفت ياعمري بعمـري مسـره
والضيم فيني طول الازمان مكبوت


تحدى نفسك بالكتابه وحاول تكتب 4 او 5 ابيات نفسه
واذا خلصت اختار بيت غيره واكتب علي شاكلته
( وكرر هالعمليه لان الممارسه مهمه)


المرحله الثانيه :



قول باسم الله


قبل لاتبدأ


- تاكد انك اذا لقيت الفكره ف خمسين بالميه من القصيده خلص

- حط في بالك ان الكتابه امرها سهل مو شي معقد

- اعتقد وامن بانك تقدر تكتب شعر

- تأكد ان المساله مو الهام او وحي ينزل عليك

كل المساله حاله من الاستعداد الذهني والنفسي والعاطفي
فهيئ الجو المناسب للكتابه بعدين راح تلقا الامر عادي
يعني جو الهدوء والمكان الحلو والبراد ...

وصدقني مساله الجو المناسب بعدين تصير مالها داعي
يعني انا
ما اكتب الا وعندي ناس مزعجين يسولفون
او وانا اطالع مباراة كره قدم
المهم


صل علي النبي
2- مباشرة الكتابه

أ - الكتابه الاوليه
ب - تعديل المعاني
ج - ضبط القافيه
د - ضبط الوزن
ه -اعتماد القصيده


وراح نتكلم عن كل نقطه بروح :
أ - الكتابه الاوليه
(اكتب بالفكره اللي تبيها و لاتعقد الامور
ولا تركز حيل علي المعاني لكن حاول تكتب اللي في بالك
وحاول تسترسل قد ماتقدر
وكثر ماتستبسط الامر راح تلقاه بسيط )
ب - تعديل المعاني
( يعني مثلا لاتذكر المؤنث او تأنث المذكر ولاتجمع المفرد او تثني الجمع
وانتبه للمعني اللي انت كتبته مو المعني اللي في بالك )
ج - ضبط القافيه
( والقافيه تكون من حرفين او ثلاثه في الغالب
وانتبه للتشكيل
مثلا كلمه يختلف بكسر اللام وكلمة اختلف بفتح اللام !!
صحيح ان اخر ثلاث حروف نفس الشي بس التشكيل للحرف اللي قبل الاخير عفس الدنيا وخلاهم مايضبطون .
و ممكن تتبع الطريقه اللي قبل شوي
انك تكتب الكلمات اللي تساعدك براس الصفحه وتستخدم هالكلمات )د - ظبط الوزن
( مسالة ظبط الوزن راح تكتسبها مع الممارسه
لكن الحين حاول تغنيها بنفس اللحن راح تجي معاك )


ه -اعتماد القصيده
( اذا كتبت قصيده واعجبتك اكتبها وانساها علي الاقل اسبوع وبعد الاسبوع اقراها
طبق هالمسأله ولا راح تندم صدقني )



وانت تكتب

- حاول تبتعد عن القوافي الصعبه لانها راح تاذيك


- ولاتستعجل مسالة اتقان الوزن كل شي بالممارسه



بعد ماتكتب

- ابحث عن اخطاءك وانقد نفسك بنفسك

- قارن أي قصيده تكتبها بقصيده مشابهه لها


- اعرض محاولاتك علي ناس تثق انهم ينصحونك ولاتزعل من النقد
ومو بالضروره ان اللي ينقدك شاعر يكفي أي متذوق للشعر انه ينقدك
اهم شي يكون صادق
(وللعلم النقد فيه بناء وفيه غير بناء
البناء هو اللي يقولك عندك خطا كذا وكذا ويبين شنو الخطا ووين صايراذا قدر
والغير بناء اهو اللي يقولك انت عندك اخطاء
ولايقول شنو او يقول لا فيها نواقص ولا يبين او يقول شنو هالنواقص )


شوف ..


القصيده اساسها الفكره

فاذا الفكره اخذت 4 ابيات في التعبير عنها

ف هالاربعه كفايه مو بالظروره اتمطط الفكره عشان اتصير طويله


عط كل شي قدره

ياما ابيات مفرده وبروحها تسوالها قصايد من مية بيت ..

ملطووووووووووووووش للفائدهـ
[/size]
الرجوع الى أعلى الصفحة اذهب الى الأسفل
عوض القرني
عضو ذهبي
عضو ذهبي
avatar

عدد المساهمات : 162
تاريخ التسجيل : 28/07/2009
العمر : 33
الموقع : بين رمشك وعينك

مُساهمةموضوع: ل   الإثنين سبتمبر 14, 2009 10:47 am

شاعر وولد شاعر وجدي شاعر

تقبلي مروري
عوض القرني
الرجوع الى أعلى الصفحة اذهب الى الأسفل
http://saal112@hotmail.com
 
خطوات تعلم كتابة الشعر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أميـر G بقلبهـا :: منتديات أمير بقلبها الأدبية :: منتدى الشعر والشعراء-
انتقل الى: